سيد الجنوب بكانا علي كوم اليتامي

سيد الجنوب الذي أبكانا جعلنا نتذكر الشعر الحقيقي العامي الذي نحسه و نستمتع بكلماته ..


ذهبت أمس ألي الربع الثقافي لحضور حفله لسيد شاعر الجنوب هو و مجموعه من أصدقائه ..

و لفت نظري كم الحاضرين لسماع سيد شاعر الجنوب الذي رأيته أول مره في حفله في الأوبرا مع تحويجه فن و كان أدائهم فوق الرائع حينها ..

سيد كان منهم صاحب الشعر الذي يتمتع باللهجه و الأداء الصحيح حتي في شعره الحلمنتيشي الذين يشتغلون عليه و يعجب الحضور ..

أما أمس فقد قص قصيده أبكتني و أبكت الحاضرين و كانت أكثر من رائعه فشعرت أن الموهبه و الحلم لا يتوقفون لحظه عند الأبداع ..

سيد مصطفى

٢٨سنه

شاعر عاميه

من محافظة قنا وعايش بالقاهره

وهذه هي القصيده التي أبكت الحاضرين و توقفت عندها بأعجاب شديد ..

...كوم يتامى...

من يومـين يـابـا افتكـرتك ...... لما حنيّت للي فـات
رحت جري احضن ف صورتك .. وسط كوم الذكريات
السنين رجعت بسيرتك .... يوم ما قالوا : أبويا مات
.
إتوجع قلبي .......... و عيوني .... دمّعوا زي العيال
سـال حنيني فجـأه مـنّي .. حاجة فـوق الإحتمـال
ما إنت كنت الدنيــا يـابـا .. و الطيـابـه .. و الجمـال
كنت كل حيـــاة ضـنـاك
عمري ماعرفتش معاك .. إن فيـه ف الكون مُـحـال
كنت إيـدي وكنت رجـلى
كنت عيني وكنت عقلي .. و100 إجابه ع السـؤال
كنت أخويا و كنت صاحبي .. كنت عـم وكنت خال
كنت طفـل بـرئ حاضني .. كنت سـيد كل الرجال
.
كنت إحساس السعاده
كان شـفــاف و مســامـح قلبـك قــوي بزيـاده
و انـا بـتـغـنـدر لجـل تـطبـطـب ... زي الـعــاده
كنت بـخــاف مـنـّـك و بحبــك ... حـب عـبــاده
.
كنت سفـيري ف وقـت العــوزه و كنت المَهْــر
عمــري ماحسيت إلا ف بـُـعـدك معنى الأهـر
زعـــلـك مـنـّي وقـت ما تغضـب كان يوجعـني
إنـمـا مـــوت الأب يـا بـويــا ... قـطْـمِـة ضـهــر
.
كنت البلسم وقـت جراحي كنت الحل لكل مشاكلي
كنت مسايا وكنت صباحي وكنت الدنيا أما بتضحكلي
كنت أفـرح قـوي لما يقـولوا إن انا شكلك وإنك شكلي
.
كنت عِـشـَّـك وانت طيري ...
كنت واخــدك خـط سيـري ...
كنت كل الناس ف عيني وف كيـاني و ف ضميري
كنت أغـير قـوي لما تحضـن حد تانى و حد غـيري
ما إنت حضنك كان كأنه ريش نعـام مفروش حـرير
كان حنـانـك مش طبيـعي كان دفــاك جـدا خطـير
كنت اشوفني ف نن عينك ... لهفـة الحـلم الكبير
كنت أجمل حاجة فيا ...... كنت يـابـا حاجات كتيـر
.
كنت ضهري و كنت سَـنـَدي
و عــزوتـي وســـط الـــــولاد
كنت لمـا تـقـــول : يا وَلَـدي
و لا حـتى تـقـــــوللي : يـاد
كنت بـجـري عليـك بسـرعه
قـبــل ما يـجـيــلـك أخـــويـا
قد إيه حنيّت ...... يا عـــالَم
إنى اقــول كلمـة : ( أبـويـا )
هيه كلمة ..
بس ليها طعم عندي بألف مكسب
قد إيه حنيت ألاعبك وانت تخسر لجل ما اكسب
قد إيه حنيت ل حضنـك لما اكون غـايـب و جـيت
قد إيه حنيت ل شخطـك و ل عصايتـك لو إسيت
قد إيه قـربـك وحشني ...... قد إيه بُعدك مميت
أيوه حنيتلك يابويا .......... و اتحنيت
آه اتحنيت .... !!!
إنت فاكر يعني موتك أمر عادي وشيئ بسيط !؟
إنت فاكر بعد منك بيتنا ده ....... يتسمى بيت !؟
دي الحـاجـات لو ليها صـوت
كات تـزعق بـالـســـنـيـن
و الحيطــــان لو كات بتنطق
كات تقـــــولـك مشتـــاقين
كات تقـــــــولـك إنـت فيـن !؟
إمتـى ترجــــع بالســـلامـه
دا انت غبـت عليـنــا يـامــا
كل يـوم بنمـوت ف بـُـعــدك
كل يـوم بـتـقــــوم قـيــامـه
ما انت خـدت الدنيــا عنـدك
و سيبت بعدك كوم يتــامى ... !!!!
.
************************
.

قصيدة #كوم_يتامى

سيد حلم الشعر الذي جاء من قنا ألي مصر للظهور ..

نجاح و أصرار لأشعار عاميه تظهر للنور خطوه خطوه ..

يوميات أمراه عاديه